دیکھا جو چپکے چپکے، کہ مہلت اداس ہے
پایا کہ وقت بھی سرِ مدت اداس ہے
اب درمیاں میں فاصلے باقی نہیں رہے؛
ہم ایک ہوگئے تو یہ قربت اداس ہے
اب جسم خاک خاک ہوا، روح رہ گئی
یہ حال،دیکھ کر مری تربت اداس ہے
تو چارہ ساز ہے، نہ ہے تو چارہ گر مرا
میں ٹھیک ٹھاک ہوں، پہ طبیعت اداس ہے
اب سوئے دشت، نیتِ حجرت ہوئی مری
رخصت کو آئی شہر کی وحشت اداس ہے
کانٹے چبھے نہ پھول کھلے اور نہ تم ملے
منزل سے دور راہِ محبت اداس ہے
آباد کر سکے نہ کوئی دشت تم کبھی
تم سے فصیلِ شہر کی نسبت اداس ہے
خورشید و ماہتاب، یہ تارے یہ کہکشاں
امروز سب بجھا کے قیامت اداس ہے
Dekha jo chupke chupke ke mohlat udaas hai;
paaya ke waqt bhi, sar-e-muddat udaas hai
ab darmiyaaN mei faasley baaqi nahi rahey;
hum aik hogaye toh ye qurbat udaas hai!
ab jism khaak khaak hua, rooh rah gayi;
ye haal dekh kar, meri turbat udaas hai
tu chaaraa-saaz hai, na hai tu chaaraa-gar mera;
mai theek-thaak hooN, pa tabiyat udaas hai!
ab soo-e-dasht, niyyat-e-hijrat hui merii
ruKHsat ko aayi shehr ki wahshat udaas hai
kaaNTey chubhey, na phool khiley, aur na tum miley;
manzil se door, raah-e-mohabbat udaas hai!
aabaad kar sakey na koii dasht tum kabhi;
tumse faseel-e-shehr ki nisbat udaas hai
khursheed o maahtaab, ye taarey, ye kah-kashaaN;
Imroz sab bujhaa ke, qayaamat udaas hai